Muhabbat kii raah pe rukne kii chaahat nahiiN karte.

Muhabbat kii raah pe rukne kii chaahat nahiiN karte,
DukhoN ke saaye meN bhii rone ki aahat nahiiN karte

Kis kambakhat ko karaar aata hai ishq ke jahaaN meN
Muhabbat ke dar pe beithe harpal raahat nahiiN karte

Mooh mod luN to kahaaN rahegi shaqsiyat apki janaab
Nasiib tera, hum apne dam kisiki shaamat nahiiN karte

KhaaboN meN hi sahii ik niishaani to de hi duNgii tujhe
Par, itne saste meN kisike naam sahooliat nahiiN karte

Kitnii chaahat hai ashqoN se jo kabhii girne nahiiN dete
Merii jaan, iss kadarr qatroN kii hiimaaqat nahiiN karte

Taras khaa kar akhiir dedi dastak ghamoN ke ghar meN
Ey "Pooja" iss umr meN itnii bhii sharaafat nahiiN karte